[NEWs] Sandara Park សង្ឃឹម​បាន​ជួប​ស្ថាបនិក Facebook

តារា​ចម្រៀង Sandara Park សមាជិក 2NE1 សង្ឃឹម​ថា​រូប​នាង​នឹង​បាន​ជួប​ជាមួយ​ស្ថាបនិក Facebook Mark Zuckerberg នៅ​​ទី​ស្នាក់​ការ​ធំ​របស់​ក្រុមហ៊ុន Facebook ។

2NE1 នឹង​ធ្វើ​ដំណើរ​ទៅ​ស្នាក់ការ​ធំ​​របស់​ក្រុមហ៊ុន Facebook នៅ​ក្នុង​រដ្ឋ California ដើម្បី​បើក​
ព្រឹត្តិការណ៍​នៃ​ការ​ផ្សាយ​ផ្ទាល់​កម្មវិធី​ Facebook Live របស់​ពួក​គេ​នា​ថ្ងៃ​ទី ២៣ ខែ សីហា​ខាង​មុខ​នេះ។ នៅ​ពេល​ជិត​ដល់​ថ្ងៃ​ធ្វើ​​ដំណើរ​ទៅ​ទី​ស្នាក់​​ការ​ធំ​របស់  Facebook ដូច្នេះ Sadara Park បាន​សរសេរ​នៅ​លើ​គណនី​បណ្តាញ​ទំនាក់​ទំនង​សង្គម me2day របស់​នាង​ថា “បទ​សម្ភាសន៍ Facebook Live របស់ 2NE1នឹង​ធ្វើ​ការ​ផ្សាយ​ផ្ទាល់​នៅ​ជុំវិញ​ពិភពលោក ហើយ​ពួក​យើង​នឹង​ធ្វើ​ដំណើរ​ទៅ​ទស្សនា​​ទីស្នាក់ការ​ធំ​របស់ Facebook នៅ​សហរដ្ឋអាមេរិក!! ដូច្នេះ តើ​ពួក​យើង​អាច​ជួប​ជាមួយ Mark Zuckberg ដែរ​ទេ? Facebook Live របស់ 2NE1 នឹង​ធ្វើ​ការ​​​​ផ្សាយ​​​រយៈ​ពេល ៤៥ នាទី​នៅ​ថ្ងៃ​ទី ២៣ ខែ សីហា​ចាប់​ពី​ម៉ោង ៩ ព្រឹក(ម៉ោង​នៅ​កូរ៉េ) តទៅ​។ ដូច្នេះ នៅ​ពេល​អ្នក​មើល​ Facebook Live នោះ​​ហើយ  កុំ​ភ្លេច​ចុច “Like” ផង​ណា៎! ” ។

ព្រឹត្តិការណ៍ Facebook Live ធ្លាប់​​បាន​រៀប​ចំ​កម្មវិធី​ពិសេស​​របស់​​ខ្លួន​ដោយ​អញ្ជើញ​ភ្ញៀវ​កិត្តិយស ​ដូច​ជា​​លោក​ប្រធានាធិបតី​​សហរដ្ឋអាមេរិក Barack Obama តារា​ចម្រៀង Madona, Katy Perry, Marron 5 និង​ពិធី​ការិនី​ឆ្នើម Oprah Winfrey។ ចំណែក​ឯ 2NE1 នឹង​ក្លាយ​ជា​ក្រុម​ចម្រៀង​អាស៊ី​ដំបូង​គេ​បង្អស់​ដែល​ចូល​រួម​នៅ​ក្នុង​ ព្រឹត្តិការណ៍​នេះ៕