ក្រុម ចម្រៀងនារីដ៏ល្បីល្បាញ Wonder Girls នឹងធ្វើដំណើរទៅកាន់ប្រទេសចំនួន៥នៅតំបន់អាស៊ីអាគ្នេយ៍រយៈពេល បីខែសម្រាប់ការប្រគំតន្ត្រីបរបស់គេ។ ការប្រគំដំបូងរបស់ក្រុមនេះនឹងចាប់ផ្ដើមនៅក្នុងប្រទេស សិង្ហបុរីនាថ្ងៃទី៨ខែកញ្ញាខាងមុខនេះ។ ចំណែកឯការប្រគំបន្ទាប់នឹងធ្វើឡើងនៅប្រទេសម៉ាឡេស៊ីនាថ្ងៃទី១៣ ខែតុលា ប្រទេសឥណ្ឌូណេស៊ីនៅថ្ងៃទី៣ខែវិច្ឆិកា ប្រទេសថៃ និងវៀតណាមក៏នឹងមានការប្រគំតន្ត្រីនៅក្នុងខែវិច្ឆិកាផងដែរ។
អ្នក តំណាងផលិតកម្ម JYP Entertainment ដែលជាភ្នាក់ងាររបស់ក្រុមWonder Girls បាននិយាយថា “ពួកយើងកំពុងតែរៀបចំការសម្ដែងនៅតាមបណ្ដាប្រទេសនៅអាស៊ីទាំង ៥នេះដោយគោរពពីប្រពៃណី និងទំនៀមទម្លាប់របស់ប្រទេសមួយៗនោះ”។ គាត់ក៏បានបន្ថែមទៀតថា “យើងកំពុងតែប្រឹងប្រែងយ៉ាងខ្លាំងដើម្បីបង្ហាញពីសមត្ថភាពរបស់ Wonder Girls ដោយការរៀបចំការសម្ដែងឲ្យមានការប្រុងប្រយ័ត្នបំផុត”។
Wonder Girls ធ្លាប់បានធ្វើការប្រគំតន្ត្រីនៅអាស៊ីកាលពីឆ្នាំ២០០៧ ហើយមានអ្នកគាំទ្រយ៉ាងច្រើនកុះករពីសំណាក់សាធារណជន។ អ្នកគាំទ្រនៅតែមានច្រើនដដែលដោយសារតែសំបុត្រត្រូវបានលក់អស់ យ៉ាងលឿនសម្រាប់ការប្រគំតន្ត្រីដែលនឹងប្រារព្ធឆាប់ៗនេះ៕
No comments:
Post a Comment