Psy ទទួលបានចំណូល៣៦០ពាន់ដុល្លារសម្រាប់ការ download បទ Gangnam Style ហើយ ៣៥០ពាន់ដុល្លារទៀតសម្រាប់ការលក់អាល់ប៊ុម និង ៤២ពាន់ដុល្លារចេញពីការចាក់ផ្សាយ។ សរុបទៅ Psyទទួលបានប្រហែល ៧៦០ពាន់ដុល្លារ ពីបទចម្រៀងនេះហើយចំនួនទឹកប្រាក់នៅតែបន្តកើនឡើងស្របពេលដែល Psy កាន់តែល្បីទៅៗ។
បទ Gangnam Style នេះនៅតែជាប់ចំណាត់ថ្នាក់លេខ១ក្នុងតារាងបទចម្រៀងផ្សេងៗ។ បទនេះផងដែរនឹងអាចរកចំណូលបានបន្ថែមទៀតពោលគឺអាចដល់១.៥ ទៅ២ លានដុល្លារដោយសារការរីករាយដាលនៃភាពល្បីល្បាញរបស់បទនេះ។ លើសពីនេះទៀតការប្រគំតន្ត្រី Summer Stand ដែលធ្វើឡើងកាលពីថ្ងៃ១១សីហា Psy រកប្រាក់ចំណូលបន្ថែមបានដល់ទៅ៣លានដុល្លារទៀត។ តាមរយៈវត្តមានក្នុងព្រឹត្តិការណ៍ផ្សេងៗ ចំណូលនៃការលក់បទចម្រៀងនៅទូទាំងពិភពលោក សរុបជាទឹកប្រាក់គឺជាង១០លានដុល្លារដែល Psy អាចរកបានពីបទនេះ។
ថ្មីៗនេះ Psy បានជួបជាមួយនឹងតារាប៉ុបវ័យក្មេងJustin Bieber ហើយបានពិភាក្សាពីគម្រោងដែលត្រូវធ្វើជាមួយគ្នា។ ប្រភពជិតស្និតបានបង្ហើបថាអ្នកគ្រប់គ្រង Justin Bieber គឺលោក Scooter Brown មានគម្រោងនឹងថតបទ Gangnam Style ជាថ្មីប៉ុន្តែជាភាសាអង់គ្លេស៕
MV on Youtube
No comments:
Post a Comment